6.8.10

رحلتي الى مسقط

سفرتي يت فجأه انا من زمان متهدده اسافر قبل رمصان وبما ان الميزانيه مختله فغسلت ايدي اسافر الا اخر السنه
دق علي خالي السبت اللي طاف يبيني اجيك عالاميال اللي عنده واحجزله عالامراتيه نفس كل مره
 وانا اجيكله وقلبي يعورني بسافر ..
خلصت منه ولا اجيك كل الشركات اللي كنت مسافره معاهم ابي شئ ابلاش لووووول
اطلعتلي بالاماراتيه وبالخليج
بما اني هاجره طيران الخليج من زمان فقلت لازم استفيد
دقيت عليهم قالولي بس دول الخليج
يالله هم زين يطلع منهم شئ
مومن زين خدمتهم ولاطيرانهم الداثر
وقلت ماكو الاعمان دام اني موشايفتها
ودفعوني 27 دينار ظريبه
مادري ليش
 ايقولون ايلاش ويدفعونا
مع انه الاماراتيه مايدفعون ولافلس
كان ودي اروح صلاله بس الميزانيه حده حده
*********************

امي الله يحفظها استانست على هالجسوره

***

سوق مطرح
ويسمونه سوق الظلام
من اقدم الاسواق الشعبيه عندهم
خو انا لازم احوس بكل مكان
امي كانت تبي حنه ولومي صحاري


وجبال السوق
سفينة السلطان قابوس
كان في 2 بس صورت هذي


***


رحنا السيب بنشتري حلوى عمانيه  
ولا انمر على محل يبيع صناديق مبيته
شخبااااري
لي الحين يسوون منهم


وبعدها شفت هالعياده
اتوقع اللي بيروح قبل مايدش بتحوشه سكته قلبيه


***


ومرينا على جم سوق
الصراحه ماعندهم شئ
واشوه اني مالقيت شئ
عشان مااتعب نفسيا


***


وختمناها بكافيه عالبحر
 على شاطئ القرم
الصراحه القعده فيه اترد الروح
ايسمونه شارع الحب
موبس عندنا
عشتوو

كافيه جالينغو

فيه قعدات بره وقعدات داخل وقعدات فوق
واكله مشكل لبناني على ايطالي على ياباني على كل شئ


***


شريت هالكتب من المطار
ملوت الريجيم اعجبوني والثاني حسيته تجاري مافيه شئ كل شئ مكرر

***



الخلاصه

لاحظت انه محد يسبح بالبحر

كل التكاسي عمانيين

اللي يبي يروح لازم سياره مع انه التكاسي رخيصه مقارنة بدبي

شوارعهم شرحه ودي اقول حق التكسي قوم بسوق

العمانيين يشتغلون بكل شئ اللي يشتغلون بالمطاعم والمحلات والفنادق وكل شئ عمانيين حتى الكاشير عماني

شعب محترم وطيب ونظيف

نص كلامهم ماافهمه


4 comments:

  1. الحمدالله ع السلامه..

    انا خاطري بصلاله :)

    ومشكوره ع التقرير..

    ReplyDelete
  2. عاد رويشد كانت حفلته بصلاله
    الله يسلمج شكرا
    حبيبتي

    ReplyDelete
  3. انا رحت عمان تبين سوق ماعندهم شي ,, رحت صلاله حلووه بس ماتسوى العنوه لها يعني ,,

    ومكان كلش مايصلح حق ياهال وصااجه شعبهم حده نظيف وذرب ماشفنا منهم الا كل خير ..

    ولاحظتيي كله عمانين يشتغلون كل شي ماشاءالله عليهم ,,

    والحمدالله على سلامتج واهم شي غيرتوا جو ..

    ReplyDelete
  4. 9ij 3ad kilmin yemda7 9alalah ..

    ReplyDelete